【IT秘笈】Ctrl + W 的神奇魔法

介紹一個小秘笈俾大家。

話說大家知唔知道原來自己用左好耐的mouse有一個秘技，就係中間嗰個碌（scroll）是可以噤落去的。大家有無好好善用個佢呢個精心設計呢？

例如，我呢度有條link， 你就咁噤落去呢，Google Blogger佢好好人會幫你開一個新分頁打開個連結，但好多網站都會係同一個分頁轉跳去新地址，咁你就要噤「上一頁」先可以返回原來個一頁再睇落去。

好啦，魔法出現了，就係你可以指住條link噤一下mouse中間個scroll，佢嘅秘技就係會幫你用新分頁打開呢條link，而你又依然可以留係本來嘅頁面睇埋落去。係咪好神奇呢？

Yo，不過你再留意下我今次嘅標題，唔係介紹呢個噤得嘅scroll，而係佢嘅解藥——ctrl + w。因為當你知道左呢個噤得嘅scroll之後，你就會好開心咁成日噤，之後就開左好多好多好多個tabs⋯⋯問題就係係咁開唔關閉番，攪到自己都唔知睇到邊度。

所以我呢家就要介紹ctrl + w的魔法，佢就係呢個噤scroll的解藥，將打開左嘅視窗關番佢，清理番打開左睇完嘅分頁。而且呢個ctrl + w解藥係好多程式都通用的。你可以係唔同嘅程式試下，「通常」都用到嘅。

P.S. Mac機就係command + w，用法一樣吧。

知道左秘技同解藥之後，處理工作又快捷左少少了吧。不過D野快又咁做，慢又咁做，其實做到好快咁又為乜呢，呵呵呵。 唯有聽多首歌咁啦。