Random Exhibition Title Generator

 https://www.mit.edu/~ruchill/lazycurator.html

[Wacom MovinkPad Pro 14] 選擇入手Wacom MovinkPad Pro 14的原因剖析

需求

一直都好想買一部屬於自己嘅tablet，需求是想有支筆可以用，但茫茫產品中，就喺點都落唔到手。

曾經物色過Huion Note E，原因是它的屏幕如紙的質感，有書寫的感覺(就喺想有支筆可以畫嘢)，但喺，當決定買嘅時候，先發現……官網預購不寄香港，不想麻煩的我，唯有放棄。

Apple iPad + Apple Pencil一直喺最正路嘅選擇，但係，個人實在不喜歡光面嘅質感，同筆同顯示嘅小小距離，覺得硬喺差啲，又唔想加錢買支筆；而且媽媽都有部iPad，不如唔好買兩部啦，所以睇下睇下，又買唔落。

又去睇下Galaxy Tab S11，去實體店試下，畫圈圈嘅感覺都唔喺想像之中咁。選不落手。

偶遇

上網搵到Wacom MovinkPad Pro 14，對Wacom品牌一直有很好的印象，因為它的繪圖筆一直是皇牌級數，再搜集下資料，佢嘅評價比Apple和Samsung更出色。再見到佢嘅入門版Wacom MovinkPad 11，細部啲，但有前後鏡頭呀。心大心細。

之後考慮嘅因素，覺得都喺想有部接近A4大細嘅屏幕，雖然細部啲(約A5 size)方便拎出街，但喺見大部細部嘅重量差唔遠(1.3lb vs 1.6lb)，大部嘅都無想像中咁重好多呢。而且媽媽嗰部iPad都係差唔多A5 size啦，就唔好再買差唔多嘅款啦。

考慮到呢部Pro 14喺冇鏡頭嘅，會有啲Andriod app安裝不能。但iPad嘅鏡頭其實都冇乜點用啦，需求不在此，都可以接受。係唔知如果要scan QR code就冇辦法咁啦。

仲有佢嘅喇叭播音唔太出色，我未試過唔知呢，用bluetooth headphone聽應該都得吧(Sony WH-1000XM4 無線降噪耳機，Good Ga)。

仲有呢，直至今日，MovinkPad 14 $6999, MovingPad 11 $3199，雖然14貴一倍有多，但都值過Apple / Samsung機呢。上網睇評價都話14係物超所值嘅。

插曲

最近電話網絡供應商打電話嚟傾續約嘅問題。佢話新plan月費有優惠，仲送部Lenovo Tab One添。同對家講，同屋企人商量下先。就睇下呢部送嘅tablet何方神聖，結果，佢嘅圈圈設計，真係，接受唔到T.T……

於是回覆我哋真喺唔需要呢個tablet，結果對方話可以月費再減啲……感動，咁就最好啦。

真喺好難委屈自己用一部自己唔鐘意嘅tablet，用都用得唔開心。

最後一關

有時打算好囇所有嘢，問一問媽媽意見，又會180°軌轉，因為佢嘅反對就會令買嘅意慾降為零。

但今次，問佢大部細部好，大部專業啲，佢話梗係大部啦，佢部iPad咁細lol。既然冇反對，就去碼啦。開心。免運費，3至5日後到手。期待呀。^_^

亞健康狀態

因著不同事務要處理，最近的晚上已經實行不到九時半入睡的習慣；結果身體一直處於亞健康狀態，早上超級眼瞓（!!!!!），幾乎睜不開眼T.T 這種掙扎中的狀態真痛苦……

結果星期中真的不行了，放下一切要處理的事務，吃完飯八時半就去睡了，而終於……終於！第二天早上找回了靈魂，工作不用再因為靈魂跑走了而返不回來專心處理事務……

說到亞健康狀態，人到中年，身體愈來愈胖，也是亞健康狀態的呈現，身體的不良指數（例如血脂）也漸漸的增加，真的需要控制飲食與運動才不再「亞健康」。再想一步，老、病、死的階段，人總有機會面對，有生自有死，所以好好珍惜「活著」的日子，好好接納身體機能會停止正常運作，又好好接納死亡吧。

又想到「好好活著」這一方面，因著現在的工作是外判形式的，不用面對上司的評核，有好也有壞吧，好的就是工作得普普通通也不會受人指責；而在體制裏的員工，可能因為工作表現的評核，影響著前路，感覺有些人，工作就像活在地獄裏似的，充滿著負能量，隨時爆發……這其實也很人之常情，希望工作得到好的評語，但因為現實裏得不到，工作就像追不到那釣在前頭的紅蘿蔔，平日總要掛著天使樣子的假面具與人共事，實際卻一肚子別人不能理解的氣。這個「亞健康狀態」也不是能夠長期忍受的，使大家也不太願意跟這些人合作。

看來，真的要好好正視自己的「亞健康」，要當一個正常健康的人，實在也是上帝的恩典。好吧，九點半，先去睡了！

杞人憂天的Robust System

曾經參與過寫一個robust system的過程，獲益良多。寫一個work嘅系統，同一個robust嘅系統，分別在於「杞人憂天」的防禦設計。

一個系統「work」是基本，但現實太多奇形怪狀的可能性，會令佢「唔work」，所以好的系統在於error-handling處理得好，包含不同的可能情況，也能令errors被妥善處理得好（處理得到），codes才能如常返回正常狀態，不會當掉。這個error handling，就像「杞人憂天」的處理，即使問題未曾遇上，也要有先見之明把codes try{} catch{}包著，保護它遇到有任何問題也可以catch得到（備註：try-catch只是error-handling的其中一種，但它已可以攔截很多基本問題），再之後對於現實裏的奇形怪狀errors有適當的應付方案。而就是這些強大的error handling應付方案sss，才能令system被稱得上robust吧。

說開又說，那時我們行Agile，每天都有stand-up meeting，是很難忘的一段時光。記得不同地方行Agile，有成功，有失敗（同事只為應付老闆，沒有凝聚力），以我所經歷的，成功的stand-up meeting經驗，那時上司們從大至小先分享（不是由小職員先說），以 1) 上一天作了什麼；2) 今天打算作什麼；3) 遇到什麼困難 為guidelines，聽到上司們分享他們的工作，可以幫助小職員的我也明白多一點工作在發生什麼事（雖然也有很多聽不懂的成分），而且也可以幫助我匯報我完成了的任務，又可以把處理任務時遇到的難處分享出來，上司們就可以幫助我解難，讓我走少一點冤枉路。了解上司們的工作和他們先分享，也讓我勇敢一點表達我所面對的（原來是這樣分享的），又可以對大家所面對的困難加以討論，而且那時上司們都會對我能完成的任務即時鼓勵，所以說那時很難忘。我想這個經驗也是個成功的Info n Tools秘技，值得被記下吧。

Tell me
Why'd you have to go and make things so complicated?

低過GPA

懷住平靜嘅心覆診。等待時遇到病發中嘅人，勾起一啲往事嘅回憶，可以放低人前嘅固定包袱經歷一次其實好難忘。有啲爽嘅感覺，可能呢個就係人天生嘅防禦機制，保護番自己，讓自己找回「正常」嘅「唔正常」神經系統。

見到醫生。醫生話我有進步有成效，膽固醇指數仲低過醫生佢自己（醫生看似是個柔弱的女生），一時都唔識反應，只好隔住個口罩向醫生投以微笑。LDL應該由3.X回落番去2.X, 低過GPA :D, 最近嘅生活調節見到有成果，喺值得有少少嘅高興嘅。醫生當日親自解釋過俾我聽，膽固醇有分好同壞，好嘅叫HDL，數值愈高愈好（概括而論）；壞嘅叫LDL，數值愈低愈好（概括而論）。從前參加我說笑是「賣血」嘅計劃，LDL曾經唔知點解去到2.X，之後又變番3.X。最近努力過健康嘅生活，但係抽血前一兩日因為一啲原因仲食左Jolibee炸雞一件同食左焗芝士牛柳粒飯，諗住實影響空肚檢測嘅血啦。但可能最近日子有功，粟米芯零食真係幫左我好多，所以LDL可以低過學校成績嘅GPA，真係值得感恩。拎藥時仲撞到朋友，可以一齊去食個清湯米線午餐，有緣呀。

為左有少少嘅慶祝，今日去左買衫，由XL+++回落番去L，喺有少少成就感嘅。同時亦都將某幾件從前嘅大碼衫拋走了。成為過去了。

Weight loss! The journey continues... 旅程中繼續努力。

如何幫助自己整理工作安排

其實都係一啲老生常談，唔知點解就係會安排得好混亂，所以就由與大家一齊brainstorm個workflow開始，將一啲common sense嘅嘢一步步組合埋一齊。我想自己唔用AI諗一諗先，之後大家想嘅話就用AI比較一下啦。

傳統 Waterfall model

一、首先，諗一下一件事需要有啲乜嘢部分。（自由發揮）

• 目的/目標（為何 Why）
• 牽涉到嘅群體（人 Who）
• 時間（時 When）
• 地點（地 Where）
• 工作任務分工（如何 How）

二、跟住諗一下結果（output）是什麼。

• 一個什麼樣的product
• 一個怎樣的KPI
• 帶給使用者一個怎麼的體驗
• 有什麼可以讓使用者takeaway
• ……

三、Research & analysis: 有什麼前人近似的工作可以參考?

四、列出所有達至本次output的總括的任務。

• 產品類
• 產品的部分
• 產品各部分的功能
• ……諸如此類
• 宣傳類
• 有什麼宣傳平台
• 需要提供什麼資料（簡略版、詳細版）
• 活動類
• 有什麼活動需要安排
• 財務類
• 每個項目需要的價值
• 行政類
• 人手安排
• 資源管理
• ……

五、把任務再細分列出。

• 產品由設計至完成所需要的步驟與流程
• 製作產品所需時間與時間階段
• 由誰人負責產品的不同部分（分工）
• 檢查者與檢查所需時間
• 活動包含什麼部分
• 活動部分所需要的物資和準備
• 釐清什麼任務較關鍵、什麼任務較次要（輕重緩急）
• 有什麼不確定的可能性

六、為所列出任務寫下gantt chart。

• soft deadline
• hard deadline

七、讓任務按時序完成。

• 管理時間，讓小任務可以依照計劃完成，大計劃因此才可以跟上進度。
• 讓群體一同想辦法解決遇到的難題，防止個別個體「卡關」浪費時間。

八、檢查

• 確保output與起初所制定的目標方向一致。有必要再作調整修正。

九、推行

• 市場推廣：藉不同活動與宣傳介紹產品並推出市面。

十、反饋與檢討 Feed-forward

• 於不同層面檢討可改善的地方，讓下次可以留心與進步。
• 把重點記錄下來，讓個人或他人可以作將來參考。

面對情緒低谷

 人生總有一些日子，會失去動力、活力，無能為力。

可能是日積月累的勞碌，可能是突如其來的大事發生，可能是際遇的不順，可能是身子就是會出狀況，面對自己卻無從入手、力不從心。

停滯的日子，就讓自己停一停，想一想。

有什麼失敗或負面的情緒，沒有被說出口，沒有被處理的呢？

誠實面對自己，把自己看為自己的最佳朋友。

正在學習一件事，就是當一些失敗的過去或情緒閃過，就學習正視它：問自己發生了什麼事？為什麼我會不開心呢？原因呢？感受呢？那麼我可以把它轉化為一件比較中性的回憶嗎？例如找人傾訴一下，我的情況會否好一點？

只把情緒壓抑，總會有爆發的時候，所以需要學習好好為自己包紮心靈的傷口，讓它可以結痂康復。

與自己對話一場。

下一步，又可以想一想：

有什麼事情是你的心想去作的，而非因責任而要作的呢？

就讓這件事情給自己分心一下吧。

就讓它成為自己心中的動力，因為它是你心裏確實想作的事情。由它開始令自己重拾活力。一步一步，小小的、慢慢的開始。

能作自己喜歡的事是幸福的。

昔日與醫師最後一次見面，對我的忠告是：「要跳舞。」

所以我堅持著。即使會很難，即使會不情願花力氣。但一點一滴的累積，帶來一點一滴的進步。是令人喜悅的。

休息一下，再重新出發。希望您也會再一次好好的。

:)