又或者屋企人唔鐘意既嗰Ｄ微言，正係自己需要改善既地方？
例如用完既紙巾，唔想行去掉落垃圾桶，所以就咁放係枱面……咁……有冇可能掛個小小既垃圾袋係位附近，或者改變下個垃圾桶既位置？總之唔好俾佢見到你嗰張核突紙。
以下是我們家的日常生活小秘笈，記錄一下，話曬屋企都係大家一齊住，有責任要自己執下……呵呵😔 呢一句唔好比屋企人聽到……
- 大門附近預備一個小平台，例如椅子或小桌子
買左好多野，番到屋企梗係好想第一時間擺低佢啦～擺地下？尤其係食物就梗係唔係咁好啦～而且要係地下執都唔係好方便……
安排一個個小平台擺一擺野，之後再分番一樣一樣，凍野放雪櫃，食物放廚房，其他野放番好，就唔洗俾人話唔執好Ｄ野了。 - 小平台附近放一把利既較剪
廁紙、紙巾呀、公仔麵呀、維他奶呀，一pack pack要解體既，有把*利*既較剪幫個忙，就唔洗用咁多力，Ｄ野又快快趣拆左膠紙擺好曬ＬＵ。唔好又俾人話啦。 - 大門附近掛鑰匙
「又唔記得帶鎖匙，你有冇帶腦……」鎖匙記得掛係門附近，唔記得帶既機會應該會細少少既。仲要有手尾番到屋企要放好原位。👵 - 垃圾分類箱
每日掉既垃圾，同可以草埋既玻璃瓶、紙、膠、鐵罐分開，留個地方放呢Ｄ，愛護地球。 - 整齊的袋ｓｓ
大大小小唔同款式既膠袋，感覺良好既，揾個大Ｄ既袋摺好入埋一起，有時咁岩可能就有需要用到。太殘、擺到脆就要掉啦！ - ２雙拖鞋
一雙膠的，入洗手間，沖涼後穿濕了可以穿另一對，但記得濕左嗰對要放係好既地方吹乾。 - 唔好整到洗手間個地下濕笠笠
無人會唔出聲的，唔出聲都會黑面💀，所以一係唔好整濕，一係自己行出去之後拖番好佢。😐 - 洗完頭之後，地下既頭髮同水…
仲知揾毛巾兜住又好，點都好，地下唔好濕笠笠，吹完Ｄ頭髮後執番佢…（記得既話）因為頭髮好難掃。 - 一樽裝滿水大膠樽
媽媽智慧，呢樽裝滿水大膠樽佢有重量，可以放係門後頂住唔俾門吹開，然後試過洗冷氣機盤時，直接拎嗰樽水倒過去好方便。 - 母夜叉
就者係一支長Ｄ既叉，放係窗旁，方便晾衫。 - 飯桌旁的小垃圾桶
很方便的，你試試。 - 密封的遙控
因為試個好多次，個遙控封塵、或者倒瀉奶茶落遙控、或者個粒制唔知做乜鬼甩左之類👹，但自從我地用左個透明膠袋好好地包住佢之後，個遙控終於唔洗咁容易endgame了。 - 廚房sing盆旁的神奇洗手液
返到屋企洗手間有人用緊，都可以去廚房洗手。洗完碗碟之後又可以用無咁傷既梘液洗一洗隻手，順便清下去水位
