前言
話說12月左右, 考試前幾日開始左下面隻智慧齒異常的痛, D牙肉好腫, 所以去左POLY睇牙。之前E生都話過我隻智慧齒斜生, 頂住前面隻牙, 一來容易SIP食物, 2來可能影響前面隻牙會蛀, 所以叫我最好剝左佢。(P.S我沒有蛀牙的^^) 之前都諗住剝, 但得個諗, 遲D先算。但12月考試前無啦啦真係好痛, E生話我之前又唔剝拖下拖下, 到呢家可能壓力大、成日熬夜、熱氣等等令D牙肉腫, 所以終於BOOK了2012年1月7日剝牙, 費事之後到忙既時間又痛過。
個人的情況是這樣子:
其實自從佢出左黎之後, 真係成日SIP食物, 常常都要頂番D野出來, 飯粒啦、肉碎啦, 特別係花生個D, 都有D唔方便。而且佢又係最入面, 有時真係要刷牙先清理到。
E生話要剝就最好剝埋上面隻牙, 一PAIR PAIR, 如果唔係上面隻牙無下面隻牙頂住可能會容易咬到牙肉, 同會愈生愈長。好啦, 雖然上面隻牙好地地, 但都要剝左佢。
當日
到左一月7日, 因為都差不多一年所以洗埋牙, 之後就入E生房。
E生話第一日唔可以漱口、吐野, 因為會拉親傷口D肌肉, D血絲都要吞左佢。0.0" 第2日之後等血塊凝固左先可以。
頭幾日塊面會腫, 第2日開始可以刷牙, 食就食下D流質食物咁。
好了, 首先打麻醉針, 我諗都打左大概3、4支吧?!, (個人估計)2支向隻牙附近, 一支係左邊面入面, 最後一針好似係前面D牙附近。其實都有少少得人驚XP, 但我很合作的, 沒有嗌XD 只不過心埋上真係好不SECURE X(
之後就等麻醉藥發揮功效, 左邊面開始有少少痺, 摸上去開始無乜感覺。
呢段時間問左E生D問題, E.G 要好幾耐, 幾時食得番正常野, 幾時可以"MARC"大個口…… ETC
過左5分鐘左右, 就剝牙了! >"< E生俾左舊膠放係右邊牙度俾我咬住, 以防UNCONSCIOUSLY合埋口。全程都真係咬實牙關, 其實過程又真係無什麼感覺(當然啦, 打了麻醉針), 係聽到D機器聲音係個口入面……都唔敢諗E生做緊D咩。我下面隻牙齒因為有一半在牙肉, 所以應該是先界開牙肉, 界開隻牙, 再一PART PART拎隻牙出來; 上面就成隻拎出來。
拎左2隻牙出來啦! 睇見D工具同D牙齒血淋淋咁……但自己其實沒有痛的感覺。E生EXPLAINED 頭先D牙點拎之類, 然後入左D牙入落裝藥D膠袋度比番我, 但我心諗D牙血淋淋咁……又唔會得閑拎出黎睇, 留黎都無乜用……所以叫E生幫我DUMP左佢。XD
之後E生教接紗布成一個「識」仔SIZE放係傷口度咬住一個鐘止血同等佢凝固, 話如果傷口流血就整塊紗布咬住。丫係, 剝牙前都有食左粒止痛藥, 同之前要食定野, 因為過幾個鐘都唔會食住。頭一兩日食粥水。
之後的情況
其實我本身以為麻醉藥過左會好痛, 但我的情況是沒有感覺, 係塊面好腫, 個人覺得好似去左整容ORZ|||, 明明有個傷口但又唔痛, 感覺有點怪異。返到家都是睡下覺, 因為唔可以有大郁動。
其實手術後我諗個口有好多血, 但因為唔可以漱口, 所以D血就咁係個口度, 又唔敢要條利攪佢住。
FEEL到其實打了麻醉針的位有粒傷口, 但都係唔係好痛。
第2日塊面真係好腫, 好唔對稱XD
應該之後會慢慢消吧。
昨天不斷請自己食凍柑, 因為隻手夠曬凍, 可以消腫。夜晚真係好凍XD, 都好既, 隨時隨地消腫。
過幾日就用暖既野FULL, 幫助血液循環。
唔知幾時先好番呢?? 暫時都未敢MARC大口住。
星期五會去拆線, 因為縫左2針~
BTW, for your reference, 我在polyu整, 要開刀剝牙一隻好似$1100, 不開刀大概$500, 之前照X光好似$200定$300, 洗牙$80, 有隻防蛀防敏感的藍莓味東西(optional)大概$200。Total 我俾左大概$2000。
(上述只供參考)
沒有留言:
張貼留言